ਭਾਰਤ ਵਿੱਚ ਸ਼ਰਾਬ ਦੀ ਵਿਕਰੀ ਦਿਨੋ-ਦਿਨ ਵੱਧ ਰਹੀ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਸ਼ਰਾਬ ਹੁਣ ਭਾਰਤੀ ਸੱਭਿਆਚਾਰ ਦਾ ਅੰਗ ਬਣਦੀ ਜਾ ਰਹੀ ਹੈ। ਸ਼ਰਾਬ ਪੀਣ ਦਾ ਸ਼ੌਕ ਭਾਰਤ ਵਿੱਚ ਸ਼ੁਰੂ ਤੋਂ ਹੀ ਰਿਹਾ ਹੈ ਪਰ ਇਸ ਨੂੰ ਸਮਾਜਿਕ ਤੇ ਧਾਰਮਿਕ ਨਜ਼ਰੀਏ ਤੋਂ ਠੀਕ ਨਹੀਂ ਸਮਝਿਆ ਜਾਂਦਾ। ਹੁਣ ਇਹ ਧਾਰਨਾ ਕੁਝ ਹੱਦ ਤੱਕ ਬਦਲਣ ਲੱਗੀ ਹੈ। ਇਹ ਵੀ ਸੱਚ ਹੈ ਕਿ ਸ਼ਰਾਬ ਦਾ ਸੇਵਨ ਕਰਨਾ ਸਿਹਤ ਲਈ ਹਾਨੀਕਾਰਕ ਹੈ।
ਦੱਸ ਦਈਏ ਕਿ ਭਾਰਤ ਵਿੱਚ ਵਿਸਕੀ ਹੀ ਜ਼ਿਆਦਾ ਪਸੰਦ ਕੀਤੀ ਜਾਂਦੀ ਹੈ। ਦੇਸ਼ ਵਿੱਚ ਵਿਸਕੀ ਦੇ ਕਈ ਬ੍ਰਾਂਡ ਵੇਚੇ ਜਾਂਦੇ ਹਨ। ਭਾਰਤ ਵਿੱਚ ਵਿਸਕੀ ਦੇ ਕਈ ਬ੍ਰਾਂਡ ਇੰਨੇ ਹਰਮਨਪਿਆਰੇ ਹਨ ਕਿ ਵਿਕਰੀ ਦੇ ਮਾਮਲੇ ਵਿੱਚ ਰਿਕਾਰਡ ਤੋੜ ਰਹੇ ਹਨ। ਭਾਰਤੀ ਵਿਸਕੀ ਦੇ ਬ੍ਰਾਂਡਾਂ ਵਿੱਚੋਂ ਮੈਕਡੌਵੇਲਜ਼ ਨੰਬਰ ਇੱਕ ਹੈ।
ਵਿਸਕੀ ਦੇ ਮਾਮਲੇ ਵਿੱਚ ਭਾਰਤ ਦਾ ਇੱਕੋ-ਇੱਕ ਬ੍ਰਾਂਡ ਮੈਕਡੌਵੇਲਜ਼ ਵਿਸ਼ਵ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲਾ ਵਿਸਕੀ ਬ੍ਰਾਂਡ ਹੈ। ਭਾਰਤੀ ਬ੍ਰਾਂਡ ਯੂਨਾਈਟਿਡ ਵਹੀਕਲਜ਼ ਦੁਆਰਾ ਨਿਰਮਿਤ ਹੈ ਤੇ ਪ੍ਰਤੀ ਸਾਲ 2776.3 ਮਿਲੀਅਨ ਲੀਟਰ ਵੇਚਿਆ ਜਾਂਦਾ ਹੈ। ਇਹ ਆਪਣੀ ਉੱਚ ਗੁਣਵੱਤਾ ਤੇ ਵਿਲੱਖਣ ਸਵਾਦ ਲਈ ਜਾਣਿਆ ਜਾਂਦਾ ਹੈ।
ਇਸ ਤੋਂ ਇਲਾਵਾ ਆਫਿਸਰਜ਼ ਚੁਆਇਸ ਭਾਰਤ ਵਿੱਚ ਇੱਕ ਹੋਰ ਪ੍ਰਸਿੱਧ ਵਿਸਕੀ ਬ੍ਰਾਂਡ ਹੈ ਜੋ ਹਰ ਸਾਲ 275.4 ਮਿਲੀਅਨ ਲੀਟਰ ਵੇਚਿਆ ਜਾਂਦਾ ਹੈ। ਇਹ ਬ੍ਰਾਂਡ ਅਲਾਈਡ ਬਲੈਂਡਰਜ਼ ਐਂਡ ਡਿਸਟਿਲਰੀਜ਼ ਦੁਆਰਾ ਬਣਾਇਆ ਗਿਆ ਹੈ।
ਇਸ ਦੇ ਨਾਲ ਹੀ ਭਾਰਤੀ ਬ੍ਰਾਂਡ ਇੰਪੀਰੀਅਲ ਬਲੂ ਵੀ ਵਿਸਕੀ ਸੈਕਟਰ ਵਿੱਚ ਆਪਣੀ ਪਛਾਣ ਬਣਾ ਰਿਹਾ ਹੈ। ਇਹ ਬ੍ਰਾਂਡ ਇੱਕ ਸਾਲ ਵਿੱਚ 239.7 ਮਿਲੀਅਨ ਲੀਟਰ ਵੇਚਿਆ ਜਾਂਦਾ ਹੈ ਤੇ ਆਪਣੀ ਉੱਚ ਗੁਣਵੱਤਾ ਲਈ ਜਾਣਿਆ ਜਾਂਦਾ ਹੈ।
ਇਹ ਗੱਲ ਵੀ ਯਾਦ ਰੱਖਣੀ ਚਾਹੀਦੀ ਹੈ ਕਿ ਸ਼ਰਾਬ ਪੀਣ ਲੱਗੇ ਇਸ ਦੀ ਮਾਤਰਾ ਨੂੰ ਧਿਆਨ ਨਾਲ ਤੈਅ ਕੀਤਾ ਜਾਣਾ ਚਾਹੀਦਾ ਹੈ। ਬਹੁਤ ਜ਼ਿਆਦਾ ਅਲਕੋਹਲ ਦਾ ਸੇਵਨ ਸਿਹਤ ਲਈ ਹਾਨੀਕਾਰਕ ਹੈ। ਜੇਕਰ ਤੁਸੀਂ ਸ਼ਰਾਬ ਦਾ ਸੇਵਨ ਕਰਦੇ ਹੋ, ਤਾਂ ਇਸ ਦੀ ਮਾਤਰਾ ਪ੍ਰਤੀ ਪੂਰਾ ਸੰਜਮ ਰੱਖੋ। ਯਾਦ ਰਹੇ ਭਾਰਤ ਵਿੱਚ ਵਿਕਣ ਵਾਲੇ ਵਿਸਕੀ ਬ੍ਰਾਂਡ ਇੱਥੇ ਆਰਥਿਕ ਵਿਕਾਸ ਦਾ ਪ੍ਰਤੀਕ ਹੋ ਸਕਦੇ ਹਨ, ਪਰ ਸਿਹਤ ਲਈ ਸਾਵਧਾਨ ਰਹਿਣਾ ਵੀ ਜ਼ਰੂਰੀ ਹੈ।
Users Today : 9
