ਅਨੁਪਮ ਖੇਰ ਦਾ ਝਲਕਿਆ ਦਰਦ

ਫਿਲਮਫੇਅਰ ਦੇ ਜੇਤੂਆਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਇਸ ਐਵਾਰਡ ਫੰਕਸ਼ਨ ਵਿੱਚ ਕਸ਼ਮੀਰ ਫਾਈਲਜ਼ ਨੂੰ ਕਿਸੇ ਵੀ ਸ਼੍ਰੇਣੀ ਵਿੱਚ ਐਵਾਰਡ ਨਹੀਂ ਮਿਲਿਆ। ਜਿਸ ਤੋਂ ਬਾਅਦ ਅਨੁਪਮ ਖੇਰ ਕਾਫੀ ਦੁੱਖੀ ਹਨ। ਅਜਿਹੇ ‘ਚ ਉਨ੍ਹਾਂ ਨੇ ਇੱਕ ਕ੍ਰਿਪਟਿਕ ਨੋਟ ਸ਼ੇਅਰ ਕੀਤਾ ਹੈ। ਹਾਲਾਂਕਿ ਇਸ ਫਿਲਮ ਨੂੰ ਵੱਖ-ਵੱਖ ਸ਼੍ਰੇਣੀਆਂ ‘ਚ ਨਾਮਜ਼ਦ ਕੀਤਾ ਗਿਆ ਸੀ ਪਰ ਇਹ ਫਿਲਮ ਇਕ ਵੀ ਐਵਾਰਡ ਨਹੀਂ ਜਿੱਤ ਸਕੀ। ਅਨੁਪਮ ਖੇਰ ਨੂੰ ਇਸ ਫਿਲਮ ਲਈ ਸਰਵੋਤਮ ਅਦਾਕਾਰ ਦੀ ਮੁੱਖ ਭੂਮਿਕਾ ਲਈ ਨਾਮਜ਼ਦ ਕੀਤਾ ਗਿਆ ਸੀ, ਪਰ ਇਹ ਪੁਰਸਕਾਰ ਰਾਜਕੁਮਾਰ ਰਾਓ ਨੂੰ ਵਧਾਈ ਦੋ ਲਈ ਦੇ ਦਿੱਤਾ ਗਿਆ। ਜਿਸ ਤੋਂ ਬਾਅਦ ਅਨੁਪਮ ਖੇਰ ਕਾਫੀ ਦੁੱਖੀ ਹਨ।

ਸਸਤੇ ਲੋਕਾਂ ਤੋਂ ਇੱਜ਼ਤ ਦੀ ਉਮੀਦ ਨਾ ਰੱਖੋ- ਅਨੁਪਮ ਖੇਰ…

ਟਵਿੱਟਰ ਅਤੇ ਇੰਸਟਾਗ੍ਰਾਮ ‘ਤੇ ਇਕ ਪੋਸਟ ਸ਼ੇਅਰ ਕਰਦੇ ਹੋਏ ਅਨੁਪਮ ਖੇਰ ਨੇ ਲਿਖਿਆ, ‘ਇੱਜ਼ਤ ਇੱਕ ਮਹਿੰਗਾ ਤੋਹਫਾ ਹੈ, ਇਸਦੀ ਆਸ ਸਸਤੇ ਲੋਕਾਂ ਤੋਂ ਨਾ ਰੱਖੋ।’ ਇਸ ਪੋਸਟ ਦੇ ਨਾਲ ਉਨ੍ਹਾਂ ਨੇ #TheKashmirFiles ਹੈਸ਼ਟੈਗ ਨਾਲ ਲਿਖਿਆ…

ਗਾਇਕ ਸ਼ਿਵਾਂਗ ਉਪਾਧਿਆਏ ਨੇ ਇਸ ਪੋਸਟ ‘ਤੇ ਟਵੀਟ ਕੀਤਾ, ‘ਬਾਕਸ ਆਫਿਸ ‘ਤੇ ਲੋਕਾਂ ਤੋਂ ਮਿਲੀ ਤਾਰੀਫ ਅਤੇ ਪਿਆਰ ਤੋਂ ਵੱਡਾ ਕੋਈ ਪੁਰਸਕਾਰ ਨਹੀਂ ਹੈ।’ ਇਸ ਦੇ ਨਾਲ ਹੀ ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘ਦਿ ਕਸ਼ਮੀਰ ਫਾਈਲਜ਼ ਨੂੰ ਲੋਕਾਂ ਨੇ ਜੋ ਪਿਆਰ ਦਿੱਤਾ ਹੈ, ਉਸ ਦੇ ਮੁਕਾਬਲੇ ਕਿਸੇ ਵੀ ਪੁਰਸਕਾਰ ਦਾ ਸਨਮਾਨ ਨਹੀਂ ਹੈ।’ ਇਕ ਹੋਰ ਨੇ ਲਿਖਿਆ, ‘ਅਗਨੀਹੋਤਰੀ ਨੂੰ ਮਨਾ ਕੀਤਾ ਸੀ ਖੇਰ ਸਾਹਬ!’

ਵਿਵੇਕ ਅਗਨੀਹੋਤਰੀ ਨੇ ਐਵਾਰਡ ਸ਼ੋਅ ‘ਚ ਸ਼ਾਮਲ ਹੋਣ ਤੋਂ ਕੀਤਾ ਸੀ ਇਨਕਾਰ…

ਵਿਵੇਕ ਅਗਨੀਹੋਤਰੀ ਨੇ ਫਿਲਮਫੇਅਰ ਅਵਾਰਡ ਸ਼ੋਅ ਤੋਂ ਇਕ ਦਿਨ ਪਹਿਲਾਂ ਸਮਾਰੋਹ ਵਿਚ ਸ਼ਾਮਲ ਹੋਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਦਿ ਕਸ਼ਮੀਰ ਫਾਈਲਜ਼ ਦੇ ਨਿਰਦੇਸ਼ਕ ਵਿਵੇਕ ਅਗਨੀਹੋਤਰੀ 7 ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਦਿ ਕਸ਼ਮੀਰ ਫਾਈਲਜ਼ ਨੂੰ ਨਾਮਜ਼ਦ ਕੀਤੇ ਜਾਣ ਤੋਂ ਬਾਅਦ ਵੀ ਐਵਾਰਡ ਸ਼ੋਅ ਵਿੱਚ ਸ਼ਾਮਲ ਨਹੀਂ ਹੋਏ। ਹਾਲ ਹੀ ‘ਚ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਇਕ ਨੋਟ ਲਿਖ ਕੇ ਫਿਲਮਫੇਅਰ ਐਵਾਰਡ ਨੂੰ ਅਨੈਤਿਕ ਅਤੇ ਸਿਨੇਮਾ ਵਿਰੋਧੀ ਦੱਸਿਆ ਸੀ। ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਹੀ ਕਾਰਨ ਹੈ ਕਿ ਦਿ ਕਸ਼ਮੀਰ ਫਾਈਲਜ਼ ਨੂੰ ਕਿਸੇ ਵੀ ਸ਼੍ਰੇਣੀ ਵਿੱਚ ਜੇਤੂ ਨਹੀਂ ਚੁਣਿਆ ਗਿਆ।